Pesëmbëdhjetë vjet pas prezantimit të tij, iPhone “vazhdon të ndryshojë botën”, tha Tim Cook, shefi ekzekutiv i Apple, ndërsa kompania raportoi të ardhurat tremujore më 28 korrik.
Sigurisht, për 15 vjet Apple ka ndryshuar shumë. Kompania më e vlefshme në botë tejkaloi parashikimet duke raportuar një rritje modeste të të ardhurave nga viti në vit. Kjo ishte kryesisht falë iPhone, i cili gjeneroi shitje prej më shumë se 40 miliardë dollarësh në tremujorin e fundit.
Megjithatë, ndërsa tregu botëror i smartfonëve maturohet, roli dominues i iPhone në pasurinë e Apple po zvogëlohet. Ndërsa në kulmin e saj pajisja përbënte dy të tretat e të ardhurave të firmës, në tremujorin e fundit kontributi i saj ishte pak më pak se gjysma. Në selinë qendrore të Apple-it në Cupertino, Kaliforni, inxhinierët po punojnë në të gjitha llojet e pajisjeve që një ditë të mund të pasojnë smartfonin, kur të bien shitjet.
E ardhmja e Apple është tashmë e qartë: një pjesë në rritje e të ardhurave dhe një pjesë edhe më e madhe e fitimeve nuk do të vijnë nga ndonjë produkt, por nga shërbimet që do të afrojë kompania.
Apple me softuer të ri iPhone që lëshohet çdo vit (që nga iPhone i parë) nuk do të mungojë as këtë vit me risitë e teknologjisë, duke shtuar veçori të reja dhe përmirësuar përvojën e përgjithshme të smartfonëve. Viti 2022 nuk do të jetë ndryshe, pasi pritet të dalë iOS 16.
I zbuluar në WWDC 2022, iOS 16 do të përmirësojë iPhone-in me veçori të reja, duke përfshirë një ekran bllokimi të personalizueshëm (i plotësuar me miniaplikacione), një sistem njoftimi të rifreskuar, ndryshime të reja të mesazheve dhe shumë më tepër. Ai pritet të dalë në mes të muajit shtator të këtij viti, megjithëse jo të gjithë distributorët e iPhone do të jenë në gjendje të marrin përmirësimin e tij.
Kur del në treg?
Siç ka ndodhur me lançimin e iPhone-ve të rinj në shtator, edhe ky vit nuk pritet të bëjë përjashtim megjithëse nuk ka ende një datë zyrtare. Pritet që të dalë afërsisht në mes të muajit.
Sa do të kushtojë iOS 16?
Si gjithmonë, iOS 16 do të jetë një përmirësim falas për të gjitha modelet e mbështetura të iPhone.
Cilët iPhone do të mbështesin iOS 16?
Ndërsa Apple u përfol se do të hiqte dorë nga mbështetja për gamën e iPhone 6s me iOS 16 – një zgjedhje e kuptueshme, duke pasur parasysh se u lëshua në 2015 – kompania shkoi një hap më tej në njoftimin e saj zyrtar, me përditësimin iOS 16 duke hequr mbështetjen për më shumë se vetëm iPhone 6s.
Në fakt, Apple konfirmoi se do të ishte i disponueshëm vetëm për iPhone 8 dhe me telefonët e tjerë më të fundit, që do të thotë se pajisjet e mëposhtme nuk do të marrin përmirësimin në iOS 16:
iPhone 7 Plus
iPhone 7
iPhone 6s
iPhone 6s Plus
iPhone SE (2016)
Lista e pajisjeve që do të kenë mbështetjen e iOS 16:
iPhone SE (2022)
iPhone 13 Pro Max
iPhone 13 Pro
iPhone 13
iPhone 13 mini
iPhone 12 Pro Max
iPhone 12 Pro
iPhone 12
iPhone 12 mini
iPhone 11 Pro Max
iPhone 11 Pro
iPhone 11
iPhone SE (2020)
iPhone XS Max
iPhone XS
iPhone XR
iPhone X
iPhone 8 Plus
iPhone 8
/Liberale.al/