Ministrja e Drejtësisë, Etilda Gjonaj ka bërë të ditur shkarkimin e Drejtorit të Hipotekës së Durrësit, Ardjan Iljazajt si dhe 12 specialistë. Në një dalje për mediat, Gjonaj njoftoi për shkakrimin e Iljazajt, pasi ka sorollatur për vite me radhë një qytetar.
Më herët Kryeministri Edi Rama në takimin e përjavshëm me kordinatorët e Bashkëqeverisjes e quajti “Halabak” drejtorin e Hipotekës së Durrësit.
Rama tha se drejtori është i shkarkuar dhe se vendimi do të komunikohet nga ministrja e Drejtësisë, Etilda Gjonaj.
“Po trajtojmë hallet tona me njerëz të padenjë, siç ishte rasti i djeshëm, i drejtorit që ka vetëm një përcaktim, halabak. Për të është marrë menjëherë vendimi i shkarkimit. Ministrja e Drejtësisë, Etilda Gjonaj do ta komunikojë këtë vendim”.
