Policia greke ka goditur një rrjet të trafikut të heroinës në zonën e Atikës dhe Chanias dhe që drejtohej nga një 38-vjeçar shqiptar.
Sipas mediave greke organizata ishte e përbërë nga 48 persona, nga të cilët 6 u vunë në pranga, ndërsa u sekuestruan 16 kg metadon të lëngshëm dhe heroinë.
Të arrestuarit janë tre shqiptarë, mes tyre edhe një grua dhe tre grekë.
38-vjeçari shqiptar, që kishte edhe rolin e drejtuesit bënte furnizimin me metadon dhe heroinë dhe më pas droga shpërndahej në zonën e Atikës.
Me 38-vjeçarin shqiptar bashkëpunonte edhe një greke, e cila kishte rolin e “arkëtares”. Ajo merrte paratë e fituara nga trafiku i drogës dhe i depozitonte në një llogari bankare në emër të saj.
Deri më tani, janë identifikuar më shumë se 250 raste të trafikut të drogës, ndërsa vlerësohet se të ardhurat nga kjo veprimtari kriminale janë të konsiderueshme.
Etiketa: Greqi, heroinë, policia greke, trafik droge
