Aktualitet

Shkodër/ Kokainë, armë zjarri e municion luftarak, arrestohen 3 të rinj





Na ndiqni në Facebook
               Publikuar në : 10:05 - 08/12/19 |
mapo.al

Shkodër– Tre persona janë vendosur në pranga në vendin e quajtur “Ura e Vjetër”, pasi iu është gjetur kokainë e kanabis.


Bëhet fjalë për Melson Shaqiri (22 vjeç)  Eraldo Muça (21 vjeç) dhe Ervin Vukatana (31 vjeç), të tre banues në Shkodër. Sipas njoftimit policor, është proceduar në gjendje të lirë edhe personi i identifikuar me inicialet B.Q (23 vjeç), po banues në Shkodër.



Operacioni policor i koduar “Buna” ka vijuar me kontrollin e banesave të tyre, ku iu gjetën 3 armë zjarri, municion luftarak, si edhe një sasi tjetër lënde narkotike kanabis.


Materialet i janë referuar Prokurorisë së Rrethit Gjyqësor Shkodër për veprat penale të “Prodhim e shitje të lëndëve narkotike” dhe “Mbajtja pa leje armëve dhe i municionit”.

Njoftimi Policor:

Finalizohet operacioni policor i koduar “Buna”. Sekuestrohen 3 armë zjarri, municon luftarak dhe lëndë narkotike kokainë e kanabis. Vihen në pranga tre shtetas që posedonin armët e zjarrit dhe lëndën narkotike, si dhe një tjetër procedohet në gjëndje të lirë.

Në zbatim të planit të masave për shtimin e kontrolleve me qëllim parandalimin, evidentimin dhe goditjen e personave që shpërndajnë lëndë narkotike apo që mbajnë e qarkullojnë me armë zjarri, si dhe për kapjen e personave në kërkim, nga strukturat e Drejtorisë Vendore të Policisë Shkodër, u godit një rast i mbajtjes pa leje të armëve të zjarrit dhe i lëndëve narkotike.

Forca e Posaçme “Shqiponja” në bashkëpunim me Specialisët për hetimin e Narkotikëve në DVP Shkodër dhe Patrullën e Përgjithshme të Komisariatit të Policisë Shkodër në bazë të informacioneve të marra në rrugë operative, se disa të rinj dispononin lëndë narkotike, si dhe në banesa mund të kishin edhe armë zjarri, kanë organizuar dhe finalizuar operacionin policor të koduar “Buna”.

Në kuadër të këtij operacioni u bë arrestimi në flagrancë i shtetasve:

M. Sh., 22 vjeç, banues në Shkodër;

– E. M., 21 vjeç, banues në Shkodër;

– E. V., 31 vjeç, banues në Shkodër.

Si dhe u proçedua në gjendje të lirë shtetasi: B. Q., 23 vjeç banues në Shkodër.

Në vendin e quajtur “Ura e Vjetër” e Bunës, Forcat e Posaçme “Shqiponja”, kanë bërë bllokimin e mjetit tip “Volkswagen”, më të cilin udhëtonin këta shtetas dhe gjatë kontrollit fizik të tyre, policia gjeti në xhepin e xhupit të shtetasit M. Sh., një peshore të vogël elektronike, një qese me një masë kristalore e dyshuar si lëndë narkotike kokainë, dy pilula të dyshuara ekstazi dhe një sasi e dyshuar si lëndë narkotike kanabis, të cilat u sekuestruan në cilësinë e provës materiale.

Operacioni vijoi me kontrollin e banesave të këtyre shtetasve, ku rezultoi se: Në banesën e shtetasit E. V., shërbimet e Policisë gjetën dhe sekuestruan 3 armë zjarri pistoletë, një sasi fishekësh dhe një krehër, ndërsa në banesën e shtetasit E. M., policia gjeti dhe sekuestroi edhe një sasi tjetër lënde narkotike kanabis.


Etiketa: ,

Pas