Aktualitet

Shkodër – Sherr me gruan, u drejton armën edhe policëve, arrestohet 52-vjeçari





Bëni LIKE faqen zyrtare në Facebook
               Publikuar në : 09:17 - 13/05/20 |
mapo.al

Përfundon në pranga kryefamiljari në Shkodër, që teksa ndërhyri policia të shuante sherrin e ashpër që ai kishte me bashkëshorten, u është kthyer me armë efektivëve duke i kansour.


Ngjarja ka ndodhur në lagjen “Tre Heronjtë” dhe në pranga është vënë shtetasi 52-vjeçar me inicialet S. B.


NJOFTIMI


Sekuestrohen në cilësinë e provës materiale dy armë gjahu.


Shërbimet e Komisariatit të Policisë Shkodër, pas njoftimit të marrë për një konflikt në familje në lagjen “Tre Heronjtë”, Shkodër, kanë shkuar menjëherë në adresën e dhënë.

Në momentin që punonjësit e Policisë janë afruar te banesa, i zoti i banesës i cili ishte duke u konfliktuar me bashkëshorten, ka marrë një armë gjahu dhe ka kanosur punonjësit e Policisë për të mos u afruar në banesë, pasi do qëllonte në drejtim të tyre.

Falë reagimit të shpejtë dhe profesional të forcave policore u bë neutralizimi dhe arrestimi në flagrancë i shtetasit S. B., 52 vjeç, banues në lagjen “Tre Heronjtë”, Shkodër.

Grupi hetimor ka sekuestruar në cilësinë e provës materiale dy armë gjahu model “Browning” dhe 170 fishekë me kalibër 12mm, të cilat i mbante me leje.

Materialet hetimore u referuan në Prokurorinë pranë Gjykatës së Shkallës së Parë Shkodër, për veprat penale “Kundërshtimi i punonjësit të policisë së rendit publik” dhe “Kanosja për shkak të detyrës”.


Etiketa: , , ,

Pas