fbpx

Aktualitet

Shoferi i makinës ruse Eldin Dergjini, vëllai i deputetes së LSI-së





               Publikuar në : 13:40 - 12/09/19 |
mapo.al

Eldin Dergjini, i cili drejtonte makinën e blinduar, me targa ruse, është vëllai i deputetes Ambra Borova. Gazeta Mapo mëson se Dergjini është vëllai i deputetes ne lista, e cila pranoi mandatin e parlamentar, duke mos iu bindur vendimit politik të LSI-së.


Ndërkohë makina me targa ruse nuk rezulton e regjistruar në sistemin doganor. Kjo shton dyshimet se automjeti i blinduar lëvizte në Tiranë me targa të falsifikuara.



Eldin Dergjini ishte shofer i makinës që u aksidentua mbrëmjen e djeshme te sheshi “Shqiponja” në Tiranë, por policia ka dyshime se ai kishte në makinë edhe një person tjetër, i cili u largua menjëherë pas aksidentin. Në dëshminë që ka dhënë në polici, 34-vjeçari u shpreh se humbi kontrollin e makinës, pasi një mjet tjetër e goditi nga pas.


Makinën e kam sjellë dy ditë më parë nga jashtë shtetit. Më ka goditur një mjet tjetër nga pas. Humba kontrollin dhe u përplasa me një bordurë. Nuk e pashë kush më goditi. Pas aksidentit mora taksi dhe shkova në spital”, – u shpreh ai.

Mbetet për t’u zbardhur nga policia, se si një makinë me vlerë rreth 200 mijë euro, e blinduar dhe me targa ruse (H001CH199) drejtohej nga një i ri shqiptar dhe qarkullonte lirshem. Aktualisht automjeti G-Class i blinduar ndodhet në Policinë e Tiranës, por nuk janë gjendur sende të paligjshme.

Eldin Dergjini është një person me precedent të mëparshëm penal, pasi në vitin 2014-të ka fyer dhe kundërshtuar punonjësit e policisë. Gjithashtu ai është ndaluar edhe për trafik droge në Itali.

 

 

 

 

 

 

 

 

 

Eldin Dergjini

Lexo edhe:

Misteri i makinës ruse në Tiranë, shofer ishte Eldin Dergjini (Foto)


Etiketa: , ,

Pas