Një ngjarje e rëndë ka ndodhur mbrëmjen e sotme rreth orës 18:50 në qendër të qytetit të Kavajës.
Një person ka humbur jetën si pasojë e një aksidenti rrugor të ndodhur pranë Prokurorisë së qytetit.
Shkak për aksidentin dyshohet të ketë qenë mungesa e ndriçimit në atë zonë.
Në momentin e aksidentit viktima Çaush Ballabani, rreth 35 vjeç sipas burimeve të policisë, po udhëtonte me biçikletë. Drejtuesi i automjetit e ka përplasur me pasojë vdekjen dhe është larguar nga vendi i ngjarjes.
Shërbimet e policisë po punojnë për identifikimin e mjetit dhe drejtuesit të tij.
