fbpx

Aktualitet

Shoqata e Bashkive çon në Kushtetuese “30 qershorin”





               Publikuar në : 15:56 - 18/07/19 |
mapo.al

Shoqata e Bashkive dorëzoi sot në Gjykatën Kushtetuese kërkesën për të shpallur të pavlefshme votimet e 30 qershorit. Në një prononcim për mediat, në cilësinë e kryetares së Shoqatës, kryetarja e Bashkisë Shkodër, Voltata Ademi u shpreh se në Kushtetuese kërkojnë konstatimin si antikushtetues për procesin e 30 qershorit si edhe shpalljen të paligjshme të regjistrimit të partisë Bindja Demokratike.


“Jemi këtu duke iu referuar asaj që është e drejtë kushtetuese dhe publike në interes të qytetarëve. Dekreti duhet të merrej në konsideratë, shpresoj që në momentin e parë që të jetë në punë të nis gjykimin e një cështje me rëndësi.Ne shpresojmë që Rama të mos pengojë ngritjen e gjykatës dhe të marrë sa më shpejt cështjen në gjykim”, -u shpreh Ademi.



Më tej ajo iu përgjigj interesit të medias lidhur me veprimet që do të ndjekin, për lirimin ose jo të zyrave ndaj të zgjedhurve të rinj vendor nga procesi i 30 qershorit.“Ne po veprojmë në mënyrë institucionale. Gjithë kryetarët e bashkive i janë drejtuar institucioneve të drejtësisë, një e drejtë e jonë, për të ndërtuar demokracinë mbi bazën e shtetit. Apeloj që cështjet të hetohen dhe gjykohen në mënyrë të pavarur duke mos iu nënshtruar presionit politik. Kemi gjykata që kanë vepruar në mënyra të ndryshme”, theksoi Ademi.



Etiketa: , , ,

Pas