Aktualitet

Shpallet i pafajshëm shqiptari që vrau vajzën dhe dhëndrin në Australi





Bëni LIKE faqen zyrtare në Facebook
               Publikuar në : 08:25 - 15/05/20 |
mapo.al

Shqiptari Osman Shaptafaj, i cili i mori jetën vajzës dhe dhëndrit të tij, ngjarje që tronditi Australinë më 31 dhjetor të vitit 2019 është shpallur i pafajshëm për krimin e dyfishtë.


“Daily Mail” shkruan se për shkak të shëndetit mendor ai nuk mund të shpallet fajtor.


Ai në gjyq pretendoi se ishte me probleme mendore, kur qëlloi Lindita dhe Veton Musai në mëngjesin e 31 dhjetorit të vitit të kaluar, teksa po hynin në shtëpinë e familjes Musai në Yarraville.



Vendimin ai e mësoi përmes lidhjes me Skype nga burgu teksa zhvillohej seanca në Gjykatën e Magjistraturës në Melbourne të enjten.

Lindita Musai ishte përpjekur të fillonte një jetë të re larg babait të saj kur ajo u ekzekutua me breshëri plumbash së bashku me burrin e saj Veton në prag të Vitit të Ri.

Daily Mail Australia raportonte se Lindita kishte frikë nga babai i saj Osman Shaptafaj, i cili pas krimit tentoi të vetevritej.

Një anëtar i familjes, i cili ka dashur të mbetet anonim, tha asokohe që e reja kishte duruar një rritje ‘të vështirë’ ne familjen e saj.

Ai pretendoi se vajza e autorit të dyshuar ishte larguar me guxim për të filluar një jetë të re larg sherreve ne familjen e saj, por nje vit pas marteses me njeriun e saj te endrrave, iu shua jeta te dyve.


Etiketa: ,

CLOSE
CLOSE
Pas