Lulzim Basha është shpallur zyrtarisht fitues i garës për kreun e ri të Partisë Demokratike.
Kryetari i Komisionit Qendror të Zgjedhjeve në PD, Jemin Gjana në një dalje për mediat nga selia blu ka bërë të ditur edhe rezultatet përfundimtare të votimit.
Në këto zgjedhje brenda selisë blu, kanë marrë pjesë 41097 anëtarë, nga rreth 75 mijë anëtarë me të drejtë vota.
“Bazuar në të dhënat zyrtare të 76 proceverbaleve, rezulton se kanë votuar 41097 anëtarë. Vota të pavlefshme kanë rezultuar 413. Të vlefshme janë 40684 vota.
Të ndara sipas kandidatëve, për Fatbardh Kadillin kane votuar 781 anëtare, për Edit Harxhin 983 anetare, per Agron Shehaj 6038 anëtarë dhe per Lulzim Bashen 32882 anëtarë”, tha Gjana.
E përkthyer në përqindje, Lulzim Basha ka marrë 81% të votave të anëtarësisë. Agron Shehaj ka marrë 14.9% dhe Edit Harxhi e Fatbardh Kadilli më pak se 4% të dy së bashku.
Rezultati i Zgjedhjeve në PD
Lulzim Basha – 32 882 vota
Agron Shehaj – 6038 vota
Edith Harxhi – 983 vota
Fatbardh Kadilli – 781 vota
Deklarata e plotë e Jemin Gjanës
Rezultati zyrtar i zgjedhjeve në PD, Lulzim Basha fiton mandatin me 81% të mbështetjes së anëtarësisë. Jemin Gjana: Rezultati është çertifikuar nga të gjithë përfaqësuesit e kandidatëve në garë.
DEKLARATË E KRYETARIT TË KOMISIONIT ZGJEDHOR NË PD, JEMIN GJANA
Komisioni Zgjedhor i Partisë Demokratike sapo ka përmbyllur procesverbalin e përgatitjes dhe të deklarimit të rezultatit përfundimtar zyrtar.
Kemi administruar 76 kutitë e 76 komisioneve të votimit në të gjithë vendin. Në prani të Komsionit janë hapur një nga një kutitë, janë regjistruar të dhënat e dokumentuar në procesverbale.
Nga procesverbalet e administruara në kuti rezulton që në të gjitha rastet komisionerët, natyrisht kanë firmosur dhe përfaqësuesit e kandidatëve në garë në të gjithë ato raste ku kandidatët kanë patur përfaqësim.
Bazuar në të dhënat zyrtare të 76 procesverbaleve të futura në llogaritje.
Bazuar në të dhënat zyrtare të 76 procesverbaleve të futura në përllogaritje rezulton se 75 mijë e 67 anëtarë të Partisë Demokratike, kanë votuar 41 mijë e 97 anëtarë. Vota të pavlefshme kanë rezultuar 413. Vota të vlefshme janë 40 mijë e 684 vota. Të ndara sipas kandidatëve në garë: Për z. Fatbardh Kadilli kanë votuar 781 anëtarë. Për zonjën Edith Harxhi kanë votuar 983 anëtarë. Për z. Agron Shehaj kanë fotuar 6 mijë e 38 anëtarë dhe për z.Lulzim Basha kanë votuar 32 mijë e 882 anëtarë. Bazuar në këto të dhëna, komisioni Zgjedhor i Partisë Demokratike shpall zyrtarisht fitues të garës për kryetar të PD-së z. Lulzim Basha.
Ju falënderoj për të gjithë kohën që i keni kushtuar ndjekjes së procesit të votimit dhe mirutakofshim në evente të tjera të Partisë Demokratike.
