Një shpërthim tritoli ka ndodhur gjatë natës së kaluar në Burrel.
Mësohet se shënjestra ka qenë banesa e punonjësit të Shërbimit Informativ të Shtetit, Alfred Karaj.
Nga të dhënat e para raportohet se nuk ka njerëz të lënduar, por vetëm dëme materiale.
Nga ana tjetër vetë punonjësi i SHISH, Alfred Karaj, e lidh ngjarjen me detyrën, pasi shprehet se nuk ka pasur konflikte të tjera. Së bashku me policinë, në vendngjarje ka shkuar edhe prokurori i Matit, Abaz Muça, për të ndjekur nga afër hetimet.
Gjithashtu, nga Tirana kanë mbërritur edhe forcat anti-eksploziv për të asistuar në zbardhjen e ngjarjes dhe zbulimin e lëndës plasëse apo sasinë që ishte vendosur.
