Një shpërthim i fuqishëm ka ndodhur në fshatin Shtëpëz të Gjirokastrës. Sipas informacioneve paraprake, dyshohet se një sasi tritoli ka shpërthyer në një banesë private, e cila i përket Durim Tolës, banor i fshatit.
Dyshohet se sasia e tritolit mund të ketë lidhje me ndonjë konflikt të Durim Tolës kohët e fundit, por burime policore thonë se ai nuk është person me precedent penal.
Nga shpërthimi raportohet të ketë vetëm dëme materiale dhe jo të plagosur. Tola është me profesion murator. Mësohet se Policia ka shkuar në vendin e ngjarjes për të zbardhur rrethanat dhe shkaqet e shpërthimit.
