Është vendosur në pranga pronari i pikës së gazit që shpërtheu ditën e djeshme në fshatin Portëz, Fier. Bëhet fjalë për Sokol Meçe. 62-vjeçari dyshohet se ka shkelur kushtet e sigurisë.
Depozita e gazit që furnizonte automjetet me gaz, shpërtheu si pasojë e një defekti teknik; e nxehjes së elektromotorit të pompës që nxjerr karburantin.
Fatmirësisht nuk pati të lënduar, por vetëm dëme të mëdha materiale. Qenë të shumta bizneset dhe banesat private rreth karburantit që u dëmtuan nga shpërthimi, që ngjasonte me atë të një bombe.
