23-vjeçari Vilson Brahja ka dalë sot para gjykatës për tu njohur me masën e sigurisë pasi i vendosi tritolin banesës së Gazmir Dacit, i cili momentalisht është duke vuajtur dënimin në burg për vrasje.
Gjykata ka vendosur masën e sigurisë ‘arrest me burg’ për 23 vjeçarin.
Ai nuk ka pranuar të tregojë emrin e porositësit, por ka treguar karakteristikat e tij.
Brahja ka pranuar autorësinë, por ka thënë se është kontaktuar nga një person që nuk e njeh, ndërsa ka treguar se për vendosjen e tritolit ai kishte caktuar shumën prej 5 mijë eurosh.
23-vjeçari ka thënë se nuk e dinte se nuk e dinte se familjet Daci dhe Kolaveri ishin në hasmëri duke u justifikuar se tritolin e kishte vendosur për hall, ndësa lajmin se e kujt ishte shtëpia e kishte marrë vesh më vonë.
Brahaj u identifikua nga kamerat e sigurisë të cilat kishin fiksuar personin që vuri eksplozivin në banesën në pronësi të Xhelal Dacit në rrugën “Martin Camaj” në Bathore.
Vilson Brahaj ishte dënuar më parë për vjedhje të një dyqani celularësh në Tiranë në vitin 2014.
Operacioni per arrestimin e tij u kodua “Pagesa”.
