Kombëtarja shqiptare ka arritur të marrë vetëm një barazim 1-1 në transfertë ndaj Islandës.
Kuqezinjtë e Edy Reja-s zhvilluan një pjesë të parë mjaft të mirë, duke e mbyllur në avantazh 1-0 me një gol të realizuar nga sulmuesi i Tiranës, Taulant Seferi.
Megjithatë, pjesa e dytë nisi tërësisht ndryshe. Gjimshiti gabon në largimin e topit brenda zonës, duke ia dhuruar atë kundërshtarëve, të cilët nuk e patën aspak të vështirë për të barazuar rezultatin.
Në vijim, Reja heziton të kryejë zëvendësime, edhe pse i vetmi lojtar që arrin të nxjerrë skuadrën përpara është mbrojtësi i djathtë Ivan Balliu.
Megjithatë, kjo pikë në transfertë mund të quhet një rezultat pozitivë, duke qenë se tashmë Shqipëria do të luajë 2 ndeshje në Tiranë dhe një jashtë në Izrael.
