Kryesore

“Shqipëria të ndahet nga Maqedonia e Veriut”/ Ambasada holandeze: Vlerësimi zyrtar në nëntor








Bëni LIKE faqen zyrtare në Facebook
               Publikuar në : 16:54 - 08/10/20 |
mapo.al

Ambasada holandeze në Tiranë ka reaguar pas publikimit të progres-raportit për Shqipërinë si dhe ka sqaruar deklaratën e ministrit të Jashtëm, Stef Blok dje në Hagë.


Në njoftimin e ambasadës thuhet se qeveria hollandeze do të japë vlerësimin e saj zyrtar në javët e ardhshme dhe vendimi për qëndrimin zyrtar të Holandës pritet të merret në nëntor.


“Në datën 6 Tetor, Holanda gjithashtu mori paketën vjetore të zgjerimit të publikuar nga Komisioni Europian, pjesë e të cilës është dhe raport progresi për Shqipërinë për 2020. Si zakonisht, qeveria hollandeze do t’i dërgojë një vlerësim të kësaj pakete parlamentit në javët në vijim. Kjo do të vijohet nga një debat sipas procedurave parlamentare. Do të jetë takimi i Këshillit të Çështjeve të Përgjithshme në nëntor ku do të diskutohet paketa e zgjerimit”– shprehet ambasada e Holandës.



Ambasada holandeze njofton gjithashtu se është angazhuar të përditësojë rregullisht parlamentin sa i takon çështjes së zgjerimit të BE-së.


“Sikurse është rënë dakort me Parlamentin, qeveria holandeze është angazhuar të përditësojë rregullisht parlamentin sa i takon çështjes së zgjerimit të BE-së. Diskutimet e djeshme në parlament ishin pjesë e këtij angazhimi. Dje, parlamenti hollandez diskutoi shkurtimisht një letër që Ministri i Jashtëm Blok i pati dërguar parlamentit në dt. 4 Shtator. Letra i referohej draftit të kuadrit të negociatave për Shqipërinë dhe Maqedoninë e Veriut, shpërndarë nga Komisioni Europian në datën 1 korrik dhe që së fundmi po diskutohet në Bruksel”– thuhet në njoftim.



Etiketa: , ,

Pas