Një shqiptar është gjetur i pajetë brenda një kamioni në Itali.
Zjarrfikësit ndërhynë për të hapur kamionin, pasi prej disa ditësh mjeti qëndronte i parkuar në Rovigana në Monselice.
Pas hapjes me forcë të kamionit, autoritetet italiane gjetën të pajetë 45-vjeçarin shqiptar, i cili ndodhej pas sediljes së shoferit.
Nga këqyrja paraprake e viktimës, nuk ka shenja dhune ndërsa dyshohet se ka ndërruar jetë nga shkaqe natyrale.
Identiteti i shqiptarit ende nuk bëhet me dije. Në vendin e ngjarjes shkuan edhe urgjenca, ndërsa viktima do t’i nënshtrohet autopsisë për të përcaktuar saktë shkaqet e vdekjes./Mapo.al/
