Zëdhënësja e PD, Ina Zhupa publikon dokumentat e tjera të pronësisë së shtëpisë që po rindërtohet në Vaqarr, e cila është në emër të Lulzim Shaban Agës, militant i PS.
Shtëpia është dëmtuar nga tërmeti i 26 nëntorit dhe po rindërtohet nga Bashkia e Tiranës.
Mirëpo problemi është se pronari i këtij objekti, është njëherazi pronar i një vile tre katëshe, një apartamenti në Tiranë dhe disa pronave të tjera truall toke.
Një gjë të tillë e ndalon ligji.
Bashkia e Tiranës akuzoi PD-në se kishte ngatërruar person, por nga dokumentet që publikon sot Ina Zhupa, duket i njëjti person që ka denoncuar PD që në fillim.
“Po tani kush do hiqet nga puna dhe kush do shkoj per ndjekje penale nga Bashkia Tirane?“, thotë Ina Zhupa.
Deklarata
Në pritje të publikimit nga Bashkia Tiranë të pronave të tjera të Luli Agës që Bashkia po i rindërton shtepinë, po i publikojmë ne.
Bashkia Tiranë tentoi të fshihej pas pronësive të Lulzim Ali Agës dhe Lulzim (Luli) Shaban Agës. Duke u munduar si “budallai” të fshihej pas gishtit (truallit) sepse vila e Luli Shaban Agës është ndërtuar pa leje fillimisht si shumica e pronave në Tiranë dhe është në proçes legalizimi ku sot ai banon dhe është pa dëmtime.
Për qytetarët e ndershëm të këtij vendi po publikojmë dokumentat e pronësive të Luli Shaban Agës.
Bashkia Tiranë mendoi se investigimi jonë nuk ishte aq i thellë sa të zbulonim edhe identitetin pronesore, me emrat e bera lemsh dhe ndërtimet e Lulzim Agës, pikërisht atij që shfaq në facebook Veliaj dhe që po i rindërtohet shtëpi ajo që përdorte për kasolle lopësh.
Konkretisht ai zotëron me dokumenta:
1. Truall 300m2 / objekt banimi 140 m2 në Fortuzaj , Tiranë
2. Dokument nga ALUIZNI që vërteton se prona objekt banimi 3 kate është në proces legalizimi .
3. Tokë arë 2000m2 në Fortuzaj , Tiranë
4. Tokë arë 3000m2 në Fortuzaj , Tiranë
5. Tokë arë 3000m2 (pasuri 2 ) në Fortuzaj , Tiranë
Po tani që skeni më alibi, kush do mbaj përgjegjësi? Kush do hiqet nga puna? Kush do shkoj për ndjekje penale? Dhe kush do shkruaj nga kalemzinjtë e Bashkisë falje për njerezit që jetojnë në çadra, apo me qera që i rindertohet shtëpia një familje me vila, e me prona në kundërshtim me ligjin dhe moralin?