Shtyhet sërish seanca në Apel, ndaj ish-ministrit të brendshëm, Saimir Tahiri. Shkak i shtyrjes ishte mosnjoftimi sipas procedurës i Tahirit.
Sot pritej që avokati i tij, pas kërkesës së bërë nga ish-drejtori i Policisë së Vlorës, për përjashtim të trupës gjykuese, edhe ai të kërkonte një gjë të tillë me të njëjtat argumenta që ka paraqitur dhe Jaeld Çela. Trupa gjykuese ka shqyrtuar kërkesa të tjera të grupit Habilaj që vijojnë procesin.
Ndërkohë pritet që Çela pas vetëdorëzimit në polici të jetë i pranishëm këtë të enjte në seancë. Çela në momentin e vetëdorëzimit është shprehur se prokuroria nuk ka asnjë provë ndaj tij, dhe e vetmja provë është vetëm një mesazh urimi nga Moisi Habili, dhe që ky nuk ja ka kthyer.
Ai ka falenderuar të gjithë policët që e kanë ndihmuar në këto vite arrati.
