Këngëtarja Albërie Hadërgjonaj është nga ato personazhe që sa herë e sheh pyet veten: Si ka mundësi që nuk plaket kurrë?
Në qoftë se i hidhni një sy profilit personal të këngëtares në “Instagram” mund të zbuloni shumë detaje nga rutina e saj dhe nga kujdesi që i kushton trupit, trajtimit të fytyrës dhe për më tepër ushqimit.
Herë pas here Albëria publikon video apo foto nga produktet që ajo konsumon dhe mjafton të shihni filmimet nga një vakt i zakonshëm i saj për të zbuluar çelësin e një fiziku perfekt pavarësisht viteve që kalojnë.
Në pjatën e parë shihet një shumëllojshmëri perimesh të cilat kanë vlera të larta ushqyese dhe janë shumë të nevojshme për organizmin.
Elementi i dytë që vihet re në vaktin e saj janë prodhimet e detit të cilat gjithashtu kanë vlera të shkëlqyera ushqyese. Dhe së fundi mishi i pulës i cili është një burim i mirë proteinash.
Ajo që bie në sy është mungesa e bukës në tavolinë, çka tregon se këngëtarja e ka kuptuar rëndësinë që ka reduktimi i konsumimit të saj.
Thonë se gjenet janë sekreti i rinis së përjetshme, por rasti i këngëtares është shembulli perfekt i kujdesit dhe përkushtimit për t’i ruajtur ato.
