Detaje të reja janë mësuar nga atentati sot në mëngjes herët në Sangjak të Laçit, ku mbeti i vrarë nga breshëri kallashnikovi 55 vjeçari, Rakip Rroli, i njohur si biznesmen.
Mësohet se atentatorët po e prisnin viktimën jashtë banesës së tij, dhe kur ai ka dalë e kanë ndjekur pak në këmbë.
Autorët janë siguruar që ta lënë të vdekur, pa asnjë shans mbijetese, dhe kjo duket nga pamjet që tregojnë se shumë plumba janë lëshuar mbi automjet.
Makina e viktimës ka dalë nga rruga, ka rënë në një kanal, dhe ka pothuajse gjithë xhamat e thyer. Ne media dhe rrjete sociale po qarkullon një foto e viktimës, bërë gjatë sezonit të plazhit.
