Ish-presidenti Bujar Nishani deklaroi se mazhoranca nuk mund të shkarkojë dot pasardhësin e tij Ilir Meta
I ftuar në emisionin ‘Frontline’ në ‘News 24’, Nishani tha se nuk ka fakte dhe prova që Meta të ketë shkelur ligjin apo Kushtetutën.
Mes të tjerash ai theksoi se e vetmja që mund ta shkarkojë Presidentin është Gjykata Kushtetuese.
“E kam shprehur edhe herë të tjera. Unë nuk mund të bëj komente të detajuara pasi në këtë çështje kam rekordet e mia si President. Kam qenë president i Republikës në 2 palë zgjedhje.
E kam parë të gjithë lëvizjen e mazhorancës si sjellje jo dinjitoze. Parlamenti nuk e shkarkon dot presidentin e Republikës, pasi është Gjykata Kushtetuese ajo që e shkarkon.
S’ka fakte e prova që presidenti të ketë shkelur Kushtetutën dhe ligjin. Maxhoranca ka të drejtë kur të vijë momenti për zgjedhjen e presidentit mos ta zgjedhë atë. Por nuk mund ta shkarkojë.”, tha Nishani.
