Kryeministri Edi Rama, në një dalje Live në lidhje me pandeminë e koronavirusit, deklaroi se kjo do të jetë java e fundit e izolimit dhe se javën tjetër do të hapen kufijtë tokësorë.
Rama deklaroi se nga data 1 qershor do të hapen çerdhet dhe kopshtet, nuk do të ketë më zona të kuqe si dhe do të lejohet plazhi. Gjithashtu kryeministri deklaroi se javën e ardhshme do të lejohet lëvizja e makinave në të gjithë territorin.
Kryeministri paralajmëroi se nuk do të ketë plazhe private, por që çadra do të vendosin vetëm hotelet dhe vetëm me autorizimin përkatës nga shteti, dhe askush tjetër.
“Të hënën më 1 qershor do të hapim kopshtet dhe çerdhet, do të hapim kufijtë tokësorë të vendit. Do të hapim qarkullimin e makinave në të gjithë vendin, edhe plazhet do të jenë të hapura. Nuk do të lejojmë asnjë plazh privat, përveç hoteleve me autorizimin përkatës nga shteti, dhe askush tjetër.. Kjo do të jetë java e fundit e zonave të kuqe. Dhe kjo fundjavë do të jetë e fundit për ndalim kufiri në zonat e kuqe”, deklaroi Rama.
LEXO EDHE:
Etiketa: automjete, kufizime, qarkullim, Rama, Video, zona te kuqe
