Me tone të ashpra, Presidenti Ilir Meta tha sot në një konferencë për shtyp se akti i publikimit të të dhënave personale të votuesve të Tiranës është i rëndë. Meta iu drejtua Ramës me disa pyetje, duke i thënë se ka bërë krim shtetëror
Sipas Kreut të Shtetit, çdo ditë dalin prova të reja tronditëse duke shtuar se do të tronditet Evropa kur ta marrë vesh.
Meta i ka kërkuar SPAK që të hetojë menjëherë për këtë skandal duke thënë se çështja është e zbardhur dhe përgjegjësit janë të dukshëm.
Më tej, Presidenti u shpreh me bindje se opozita do të marrë 90 mandate në zgjedhjet e 25 prillit.
“Do të tronditet Evropa, kur ta marrë vesh këtë akt të rëndë, që ka ndodhur. Do keni gjëra konkrete. Ju e dini, unë nuk zhgënjej. Sovrani triumfon më 25 prill. Nuk bëhet beteja këtu as për Edin, as për Ilirin, as për askënd, këtu bëhet për shqiptarët”, tha Meta.
