Aktualitet

Sondazhi – 52 për qind duan Bashën Kryeministër









Bëni LIKE faqen zyrtare në Facebook
               Publikuar në : 08:40 - 19/01/21 |
Mapo.al

Në një sondazh të fundit, organizuar nga Flame Tree Adviser, rezulton se shumica e votuesve duan ndryshimin dhe mbështesin alternativën e Opozitës. Për Ramën janë shprehur në favor 38% e të anketuarve. Shqiptarët e shohin një fitore të Ramës si dekurajuese për të ardhmen e vendit, ndërsa kërkojnë ndryshimin në një masë prej 57 për qind të tyre. Në këtë sondazh, sipas drejtorit Adlej Pici janë përfshirë katër mijë qytetarë në të gjithë vendin, me pyetje të drejtpërdrejta. Ky është sondazhi i dytë që e nxjerr opozitën fituese me një rezultat të dukshëm



Një sondazh paraelektoral i zhvilluar nga kompania angleze Flame Tree Advisors, me katër mijë persona të intervistuar ka nxjerrë Lulzim Bashën fitues të zgjedhjeve të 25 prillit. Drejtori i Flame Tree Advisors Adlej Pici, u shpreh në Syri TV, ku u publikuan rezultatet se ky është nga sondazhet më kapilar, pasi jo vetëm personat janë intervistuar ballë për ballë, por kampionet janë përzgjedhur në çdo qark të Shqipërisë.


Gjithsesi ai u shpreh, se në çdo rast një sondazh e ka një gabim prej plus minus katër për qind. Në 52 për qind të tyre të intervistuarit mendojnë se do jetë Basha Kryeministër, ndërsa 38% besojnë se Rama do jetë Kryeministër pas zgjedhjeve të 25 prillit. 10 për qind të tjerë kanë refuzuar të përgjigjen. Shqiptarët sipas sondazhit besojnë se Edi Rama ka bërë një punë të keqe në 39% të të intervistuarve, dhe një punë të dobët në 26 për qind të tyre.




Kësaj pyetjeje i janë përgjigjur pozitivisht 34% e të intervistuarve dhe 1 për qind prej tyre kanë refuzuar të përgjigjen. Sipas sondazhit shqiptarët besojnë se kryeministri flet shumë dhe vepron pak në 61 për qind të tyre, ndërsa shprehen se vendi ka nevojë në një shumicë prej 57 % të të intervistuarve.



Ky është sondazhi i dytë i zhvilluar në Shqipëri, në muajt nëntor dhe dhjetor. Më herët një sondash tjetër i një kompanie ndërkombëtare i zhvilluar në muajt shtator-tetor, e nxirrte opozitën me 76 mandate fituese në të gjithë vendin. Sipas atij sondazhi, opozita e bashkuar fiton dhe në bastionet e PS me një diferencë të thellë.


Puna e qeverisë
Por ç’do të ndodhte në rast të një fitoreje të Edi Ramës. Rreth 56 për qind e shqiptarëve mendojnë se do ishte një fenomen shqetësues për të ardhmen e vendit, ndërsa 38 për qind e tyre janë optimistë për të ardhmen. Sipas sondazhit, një fitore e Bashës dhe e opozitës do ishte shpresëdhënëse për 59 për qind të tyre të cilët nuk do e braktisnin vendin për të kërkuar alternative të tjera.

Të intervistuarit mendojnë në 57 % të tyre se gjërat kanë ardhur duke u përkeqësuar sidomos për sa i përket ekonomisë së vendit, dhe 19% të tjerë mendojnë se gjërat nuk kanë ndryshuar çka e çon nivelin e pakënaqësisë në 76%, dhe vetëm 23 % mendojnë se situata është përmirësuar nën drejtimin e Ramës. 58% e të intervistuarve mendojnë se ai vepron në interes të tij personal dhe të atyre që ka në krah.

Opozita
Por jashtë vëmendjes së sondazhit nuk ka mbetur as opozita. Shqiptarët në 38% të tyre mendojnë se ajo ka bërë një punë të mirë. 32% mendojnë se nuk ka bërë as punë të mirë dhe as punë të dobët, 15 % mendojnë se ka bërë një punë të dobët dhe 10 % mendojnë se ka bërë një punë të shkëlqyer.

Agim Nesho, ish-diplomat, i ftuar në studio tha se të dhënat e publikuara kanë të bëjnë dhe me kohën kur është zhvilluar sondazhi, dhe mendon se në muajt në vijim shifrat do vazhdojnë të përmirësohen në favor të Bashës.

Adlej Pici, u shpreh se për këtë sondazh ka përdorur teknologjitë më të avancuara, dhe pyetjet janë përqendruar më së shumti te dy persona Rama dhe Basha pasi ata janë kandidatët për kryeministër, një metodologji e përdorur rëndom dhe në vendet e tjera demokratike, ku pyetjet përqendrohen te dy rivalët kryesorë, pra te kryeministri dhe sfidanti i tij.

1


Etiketa: , ,

CLOSE
CLOSE
Pas