Aktualitet

Sondazhi surprizë/ Shqiptarët zgjedhin BE para Amerikës














Bëni LIKE faqen zyrtare në Facebook
               Publikuar në : 14:22 - 19/11/21 |
mapo.al

Shumica e popullsisë ka një mendim të ndryshëm nga ai që reket të imponojë kasta dominante, e cila vrapon pas me te fortit.






Këto janë rezultatet e një ankete nga Euronews për periudhën 20-29 tetor 2021, kryer nga MRB dhe “Data Centrum” në nivel kombëtar me 1000 intervista ballë për ballë.


Sipas saj shqiptarët zgjedhin BE përpara SHBA.







Në rastin e një konflikti mes SHBA-së dhe BE-së, që nuk ka lidhje me Shqipërinë, shumica e shqiptarëve do të rreshtoheshin në krah të BE-së.




Pak më shumë se gjysma e qytetarëve (56,9%) mendojnë se Shqipëria duhet të pozicionohet pro BE-së dhe rreth një e treta (32,6%) pro SHBA-ve.



Vetëm 6% mendojnë se në një konflikt të tillë Shqipëria duhet të jetë neutral.

Lexo edhe :  Bumçi: Europa s’e mbështet vendimin e SHBA për shpalljen e Berishës “non grata”

Rezultatet, pjesë e një një vrojtimi të Euronews Albania, mbi pritshmërinë e qytetarëve për anëtarësimin në BE, nuk tregojnë nëse këto preferenca janë fryt i politikave që SHBA ka ndjekur vitet e fundit ne Shqipëri, apo nëse kjo është një tendencë e kahershme.

Interesant është fakti se preferenca për Europën është më e fortë në moshat e reja.

Deri në moshën afërsisht 55 vjeç, dy herë më shumë shqiptarë duan rreshtimin në krah të BE-së.

Në moshat më të mëdha kjo diferencë ngushtohet dhe në moshën mbi 65 vjeç diferenca zvogëlohet ndjeshëm, duke treguar relativisht më shumë anësi nga SHBA-të në krahasim me moshat e tjera.

1


Etiketa: , ,

CLOSE
CLOSE
Pas