Aktualitet

SPAK i kërkon Policisë së Shtetit arrestimin e Adriatik Llallës














Bëni LIKE faqen zyrtare në Facebook
               Publikuar në : 20:27 - 22/09/21 |
mapo.al

Prokuroria e Posaçme i kërkon Policisë së Shtetit që të ekzekutojë vendimin e Gjykatës së Posaçme të Apelit për arrestimin dhe konfiskimin e pasurive të ish-kryeprokurorit, Adriatik Llalla.






Vendimi i Gjykatës së Posaçme të Apelit për Korrupsionin dhe Krimin e Organizuar është i formës së prerë, Prokuroria e Posaçme kundër Korrupsionit dhe Krimit të Organizuar ditën e sotme, me datë 22.09.2021 ka nxjerrë urdhrin për ekzekutimin e këtij vendimi penal, duke ngarkuar Policinë e Shtetit për ekzekutimin e tij”, thuhet në njoftimin e SPAK.


Nëse për konfiskimin e pasurive dhe ndalimin e funksioneve në drejtësi për 5 vite policia e shtetit nuk pritet që të ketë vështirësi në ekzekutimin e tyre, problem është arrestimi dhe vënia e Llallës në qeli për të vuajtur dënimin me dy vite burg.







Avokati i tij mbrojtës, Sokol Hazizaj tha se klienti i tij ishte në regjim spitalor, por nuk saktësoi nëse ndodhej në Shqipëri, apo jashtë Shqipërisë.




Nëse brenda afateve ligjore, Adriatik Llalla nuk arrestohet, atëherë policia do të detyrohet që ta shpallë atë person në kërkim dhe të nxjerrë urdhër-arresti ndërkombëtar.



Sot, në rrjet ka qarkulluar një foto ku Adriatik Lalla shihet teksa pret trenin në Itali.

1


Etiketa: , , ,

Pas