SPAK ka njoftuar, se ka nisur hetimet për kreun e Fondit Shqiptar të Zhvillimit, Dritan Agolli.
Ai po hetohet nga SPAK për shpërdorim detyre, abuzim me fondet publike dhe korrupsion.
Më 27 janar 2022, Fondi Shqiptar i Zhvillimit shpalli fitues të tenderit 400 mijë dollarë kompaninë “Mascarpone” të Alfio Rotanit bashkë me personin fizik Endrit Maçi. Alfio Rotani, rezulton shef kuzhine në lokalin e djalit të kreut të Fondit, Dritan Agolli, Flladi Agolli.
Agolli ka mbajtur disa detyra të rëndësishme në bashkinë e Tiranës në vitet 2002 deri në 2011.
Në këtë periudhë ka qenë drejtor i urbanistikës, drejtor i punëve publike dhe administrator i përgjithshëm i bashkisë.
Pas vitit 2011, Agolli u angazhua në biznese private në fushën e ndërtimit dhe energjisë.
Në janar të vitit 2019, Edi Rama e emëroi Dritan Agollin drejtor të përgjithshëm të Fondit Shqiptar të Zhvillimit. Ky fond tenderon në vit rreth 150 milion dollarë.
