Spanja po planifikon të japë leje mjekësore për gratë që vuajnë nga dhimbje të forta për shkak të menstruacioneve.
Sipas BBC, në projekt-ligj thuhet se, gratë mund të kenë tre ditë pushim në muaj, dhe duke u nisur nga rrethanat mund të jetë dhe pesë ditë në muaj.
Sipas politikanëve, drafti i zbuluar nga mediat spanjolle është ende duke u punuar. Nëse ky ligj miratohet do të ishte e drejta e parë ligjore e këtij lloji në Evropë. Ndërsa, vetëm një pjesë e vogël e vendeve në mbarë botën kanë një legjislacion të tillë në fuqi.
Mediat që kanë parë pjesë të ligjit raportojnë se ai do të paraqitet në kabinet në fillim të javës së ardhshme. Leja tre ose pesë do të jepet me recetë të mjekut. Ajo nuk do të zbatohet për gratë që nuk kanë dhimbje të forta.
Po ashtu, në draft përfshihet edhe pushimi i zgjatur për gratë shtatzëna. Pushimi do të fillojë që para lindjes së fëmijëve.
Legjislacioni spanjoll është pjesë e një reforme shumë më të gjerë të shëndetit riprodhues, e cila do të përfshijë ndryshime në ligjet e vendit për abortin. /Liberale.al
