Aktualitet

SPD me 25.7%, CDU/CSU pas 16 vitesh në pushtet pëson humbjen më të thellë














Bëni LIKE faqen zyrtare në Facebook
               Publikuar në : 08:40 - 27/09/21 |
mapo.al

Me të gjitha votat e numëruara nga komitetet zgjedhore, Social Demokratët (SPD) dalin fitues në zgjedhjet parlamentare të mbajtura të dielën në Gjermani, para partisë konservatore të kancelares në largim Angela Merkel.






Sipas Komisionin Zgjedhor Kombëtar, SPD mban 25.7% të votave, rezultati më i mirë që ka regjistruar në shumë vite, ndërsa CDU / CSU mori 24.1% (-8.9% në krahasim me zgjedhjet e mëparshme), duke shënuar rezultatin më të ulët në historinë e tyre pas 16 vitesh në pushtet.


Ndërkaq partia e të Gjelbërve ka siguruar përqindjen më të lartë që nga themelimi i partisë, duke siguruar 14.8% të votave, duke u rënditur deri më tani forca e tretë më e madhe në Bundestag.







Demokratët e Lirë (FDP) po përmirësojnë pozicionin e tyre, duke fituar 11.5% të votave. Partia ksenofobike, e djathta ekstreme Alternativa për Gjermaninë (AfD) zbret nga vendi i tretë në vendin e pestë me 10.3% të votave. Partia “E Majtë” bie në 4.9%.

Lexo edhe :  Fundi i epokës së Angela Merkel, Gjermania voton sot





Me rezultatet e fundit të zgjedhjeve, Gjermania po hyn në një fazë shumë më të paparashikueshme, përballë negociatave të vështira për të formuar qeverinë e ardhshme ose nën Social Demokratët, të cilët fituan, por me një diferencë të ngushtë, ose nën konservatorët.

Këto zgjedhje ishin të paparashikueshme që në fillim dhe rezultati nuk është domosdoshmërisht ai që do të përcaktojë fundin e garës. Fillimisht, kancelarja në largim, Angela Merkel, do të duhet të qëndrojë derisa të formohet koalicioni, kështu që asaj mund t’i duhet të presë deri në Krishtlindje.

Pasardhësi i saj pritet të udhëheqë ekonominë kryesore të Europës për katër vitet e ardhshme, me ndryshimet klimatike në krye të agjendës së votuesve.

14


Etiketa: ,

Pas