fbpx

Aktualitet

Spiropali i përgjigjet Bashës: Prit zgjedhjet e 2021, nuk ka shans…





               Publikuar në : 11:51 - 30/10/19 |
mapo.al

Ndaj deklaratës së Lulzim Bashës ka reaguar menjëherë, Elisa Spiropali. Ajo shkruan në rrjetet sociale se nuk ka shanse për zgjedhje të parakohshme pasi Qeveria e ka kontratën me qytetarët.


Statusi i Ministrjes për Marrëdhëniet me Parlamentin, Elisa Spiropali: 



Lulzim Basha dhe shumica e tij imagjinare duhet të presin zgjedhjet e radhës per t’u rikthyer në Parlament, prej ku u larguan vullnetarisht me daullet e fitores imagjinare!


Qeveria dhe shumica jonë e votuar për të qeverisur 4 vjet, kanë shumë detyra e punë për të realizuar deri në përfundim të mandatit, në respekt të kontratës me shqiptarët. Ata që e grisën kontratën me zgjedhësit e tyre, nuk kanë asnjë të drejtë po as edhe një shans gjithashtu, të grisin kontratën tonë.

Ne po përgatitemi për dy sezone të reja betejash në çdo drejtim dhe për një Shqipëri më të mirë në çdo fushë të jetës. Nga ana tjetër, sa më shumë Lulzim Basha dhe shumica e tij imagjinare refuzojnë dialogun për reformën zgjedhore, aq më pak kohë kemi ne për të humbur me ta. Brenda dhjetorit do te votojme Reformën Zgjedhore sipas rekomandimeve të OSBE/ODIHR dhe do të vazhdojmë më tej me pikat kyçe të procesit të integrimit europian, duke përdorur si hartë drejtuese rezolutën e Bundestagut, si edhe të gjitha pikat e tjera të programit tonë për Shqipërinë që duam.

Vetëm pak minuta më parë, Basha tha i bëri thirrje PS të reflektoje sa nuk është vonë. ““Ndërkohë që në po përgatisim ofertën tonë jo vetëm për reformën elektorale, por për të nxjerrë vendin nga kriza, të jeni të sigurt se edhe durimit të popullit po i vjen fundi”, tha ai.

Basha thirrje PS-së, jo Ramës: Reflektoni, nuk është kurrë vonë!

 


Etiketa: , ,

Pas