Një studim i ri nga “The Lancet” publikuar së fundmi ka dalë në konkluzionet se një pacient që ka kaluar COVID-19 mund të ketë simptoma të virusit deri në 6 muaj.
Bazuar në fakte konkrete, studimi në Wuhan del me përfundimin se nga 1 mijë e 700 pacientë, 76% e tyre kishin të paktën një simptomë për muaj të tërë pasi lanë spitalin.
Ndër simptomat më të zakonshme janë lodhja dhe vështirësitë në gjumë, e para e vërejtur në 63% të pacientëve kurse e dyta në 26% të tyre.
Ndërkohë në 23% të pacientëve ka simptoma si komplikime psikologjike afatgjata, me ankth ose depresion.
Për pacientët që u dëmtuan më shumë nga COVID-19 nuk mungonin dëmet afatgjata në mushkëri, teksa vlen të përmendet se ky studim i “The Lancet” është më i madhi për simptomat e COVID-19 në terma afatgjata.
Etiketa: Koronavirusi, studimi per koronavirusin, The Lancet
