Disa shkencëtarë në Australi nëpërmjet eksperimentit të tyre besojnë se kanë mundur të vërtetojnë se një fëmijë mund t’i ngjajë ish-të dashurit të gruas dhe jo bashkëshortit me të cilin ka fëmijën. Ata kanë mundur ta konfirmojnë këtë tek mizat.
“Studimi ynë ndërlikon pikën tonë të vështrimit se si vijojnë gjeneratat, por gjithashtu hapin mundësi të reja shumë emocionuese në kërkim”, u shpreh kreu i grupit të kërkimit. Një gjë e tillë tregon se sa pak dimë për natyrën dhe sa shumë kemi për të mësuar ende”.
“E dimë se disa tipare në familje nuk ndikohen nga gjenet që kalohen nga prindërit te fëmijët. Disa mekanizma trashëgimie jogjenetike bëjnë të mundur që faktorë të mamasë apo babait të ndikojnë në karakteristikat e një fëmije”, ka thënë dr. Clean.
Shkencëtarët zbuluan se përmasat e mizave të vogla vareshin nga përmasat e mashkullit të parë me të cilën ishte çiftëzuar femra më shumë sesa me atë që ishte babai.
Megjithatë kjo ide e quajtuar Telegoni, nuk është e re pasi ajo i ka rrënjët në Greqinë e lashtë, por që më pas është anashkaluar nga teoria gjenetike.
Ideja e telegonisë vjen nga filozofi i njohur grek Aristoteli, sipas të cilit fakti që një burrë mund të lërë një shenjë në trupin e partneres së tij që ndikon edhe në beben që ajo do të lindë me një burrë tjetër.