Aktualitet

Sulmet e 11 shtatorit/ Mesazhe nga Rama, Basha dhe Meta














Bëni LIKE faqen zyrtare në Facebook
               Publikuar në : 09:53 - 11/09/21 |
mapo.al

Sot shënohen 20 vjet nga sulmet terroriste të 11 shtatorit ndaj kullave binjake në Neë York të SHBA-ve. Në këtë përvjetor kanë përcjellë mesazhe kryeministri Edi Rama, kryetari i PD, Lulzim Basha si dhe presidenti Ilir Meta.






Edi Rama
Kryeministri Edi Rama ka dhënë një mesazh për 20-vjetorin e sulmeve terroriste të 11 Shtatorit. Nëpërmjet një postimi në rrjete sociale, Rama shprehet se 11 Shtatori do të mbetet një ditë kujtese për vlerat e paçmueshme të lirisë dhe demokracisë.


“20 vjet më parë, 11 shtatori hyri në histori si dita e zezë e sulmit të egër të urrejtjes barbare kundër qytetërimit tonë, duke goditur mizorisht simbolin e tij, Amerikën, mu në zemrën e saj. Sot e përgjithmonë, 11 shtatori do të mbetet një ditë kujtese dhe vetëdijeje e botës demokratike për vlerat e paçmueshme të lirisë e të demokracisë.“, shkruan Rama.









 



Dy dekada më parë, bota u trondit nga sulmet terroriste të 11 shtatorit jo thjesht ndaj SHBA, por ndaj vlerave të lirisë, demokracisë dhe bashkëjetesës. I bashkohemi përkujtimit të viktimave të terrorizmit dhe solidaritetit me familjarët e tyre dhe kombin mik amerikan.

Lexo edhe :  “Berisha”/ Gjekmarkaj: PD nuk rrezikon shpërbërjen, do bëjë opozitë luftarake

Ne qëndrojmë në krah të partnerit strategjik të Shqipërisë në luftën kundër terrorizmit dhe mbrojtjes së vlerave, që na bashkojnë në aleancën dhe miqësinë e vecantë mes dy kombeve tona.

Ilir Meta
Në 20-vjetorin e sulmeve terroriste të 11 shtatorit 2001, nderojmë kujtimin e paharruar të jetëve të humbura dhe solidarizohemi me familjet e tyre dhe popullin amerikan! Shqipëria dhe SHBA janë të bashkuara në mbrojtjen e vlerave të lirisë dhe demokracisë, në të mirë të interesit të përbashkët të popujve tanë miq.

Të vendosur, si vend anëtar i NATO-s, për të përmbushur çdo angazhim kundër terrorizmit ndërkombëtar, ekstremizmit të dhunshëm, autoritarizmit dhe çdo kërcënimi tjetër që rrezikon paqen dhe stabilitetin, kudo në botë.

Mirënjohje për sakrificat e të gjithë ushtarakëve tanë dhe personelit mbështetës, që kanë sakrifikuar gjatë këtyre dy dekadave në vijën e parë kundër terrorizmit!

I përjetshëm kujtimi i Kapiten Feti Voglit! 

LEXO EDHE:

20 vjet nga sulmet terroriste të 11 shtatorit, Biden thirrje për unitet

1


Etiketa: , , ,

CLOSE
CLOSE
Pas