Imami i Xhamisë te Rruga e Kavajës, Ahmed Kalaja ka reaguar pas sulmit me thikë nga një 34-vjeçar gjatë ritit të faljes së mesditës.
5 besimtarë u plagosën, ndërkohë që Kalaja thotë se ka të plagosur edhe nga stafi i xhamisë. Sipas tij, autori ka goditur me thikë edhe kalimtarë të rastësishëm në rrugë.
“Shpresojmë të mos jetë akt terrorist, por një person me të meta mendore. Situata është nën kontroll, nuk ka asgjë për t’u shqetësuar. Janë plagosur disa nga stafi i xhamisë, por edhe disa besimtarë. Autori qëlloi edhe persona të tjerë në rrugë“, u shpreh Ahmed Kalaja.
Në prangat e policisë ra 34-vjeçari Rudolf Nikoll nga Burreli. Mësohet se autori ishte në kërkim nga policia për një plagosje të kryer në mars të vitit të kaluar.
LEXO EDHE:
Sulm me thikë te xhamia e Rrugës së Kavajës, plagosen 5 besimtarë-kapet autori
