Kreu i shtetit, Ilir Meta, në një konferencë për shtyp nga Presidenca tha se sulmi ndaj selisë së FRD-së, nga Policia Bashkiake, është sulm ndaj demokracisë.
Edhe njëherë, Kreu i Shtetit tha se dokumenti i dërguar në selinë e FRD-së, është pa firmë, pa vulë e pa numër protokolli, ndërsa e quajti sulmin ndaj FRD-së, provokim nga mazhoranca.
Më tej, presidenti theksoi se selisë së FRD-së, iu ndërpre energjia elektrike, ndërkohë që disa nga punonjësit ndodheshin në zyrë.
Ai shtoi se shkoi në zyrat e FRD-së, në cilësinë e Kreut të Shtetit, ndërsa theksoi se janë dhunuar shoqëruesit e tij.
Meta tha se sulmi ndaj FRD-së erdhi pak ditë pas marrëveshjes me opozitën. “Shkresa e dërguar në selinë e FRD-së nuk plotëson kushtet e një akti administrativ” – tha Meta.
