“Betohem në All-llah se ju s’keni parë gjë akoma”. Me këto fjalë, dyshohet një prej autorëve të ngjarjes së rëndë me disa viktima në Vjenë, ose mbeshtetes i tyre, i është përgjigjur një publikimi të policisë në rrjetin social Twitter.
Rreth orës 22:00, në Vjenë ka ndodhur një sulm me armë zjarri dhe bombë, nga ku raportohen të paktën 5 viktima, mes të cilëve edhe një polic.
Njëri prej autorëve ka mbetur i vrarë, ndërkohë që tjetri është larguar. Policia është në kërkim këtij të fundit, i cili, sipas raportimeve të para iu përgjigj autoriteteve përmes Twitterit.
Mediat vendase thonë, se përveç sulmit, dyshohet se një pengmarrje ka ndodhur në një restorant. Një person i armatosur mendohet se ka kryer pengmarrjen. Me pas doli se lajmi nuk ishte i vertete.
Ministri i Brendshëm Karl Nehammer theksoi në një deklaratë se në ngjarje janë të përfshirë disa autorë.
“Autorët përdorën armë të rënda. Ata që janë në shtëpi duhet të qëndrojnë në shtëpi. Ata që janë në një pub duhet të qëndrojnë atje. Ju lutemi shmangni qendrën e qytetit”, tha ministri, ndërsa nuk donte të konfirmonte situatën e pengut.
Disa media raportojnë për të paktën 7 të vdekur, ndërsa autoritetet nuk kanë konfirmuar ende një shifër të viktimave.
LEXO EDHE:
Krisma dhe gjak – Pamje të rënda nga sulmi terrorist në Vjenë (VIDEO)
