Partizani nuk mori dot më shumë se një barazim në Fier, duke mos barazuar dot Vllazninë në renditjen e Kategorisë Superiore.
Të kuqtë e mbyllën ndeshjen në 1-1, pasi ishin duke humbur.
Në të 14’, Hakaj i dha epërsinë Apolonisë duke shënuar një autogol në portën e tij.
Për Partizanin pika u shpëtua nga Lucas, i cili barazoi në të 76’.
Në kryeqytet, Tirana mundi pa shumë shqetësime Bylisin, duke u ngjitur në renditje, por gjithsesi ende larg zonës së kualifikimit për në kompeticionet europiane.
Behiratche në fund të pjesës së parë dhe Ismajlgeci në të 75’ shënuan dy golat e fitores 2-0 për bardheblutë.
Më vonë gjatë ditës Kukësi pret Laçin, ndërsa Vllaznia kryesuese viziton Teutën në Durrës.
