Deputetja e Partisë Demokratike, Jorida Tabaku shkruan në rrjetet sociale se, mbi 5 mijë shqiptarë janë larguar vetëm këtë 6 mujor.
Në një postim në rrjetet sociale, ajo shprehet se, po shqiptarët po ikin nga sytë këmbët megjithëse nuk jemi në luftë civile apo konflikt i armatosur
“Mbi 5000 mijë shqiptarë janë larguar vetëm këtë 6 mujor. Po ikin nga sytë këmbët megjithëse nuk jemi në luftë civile apo konflikt i armatosur. Po ikin pa kthyer kokën pas”, shkruan Tabaku në Facebook.
Më tej, ajo thekson sepse qeveria, parlamenti dhe politika në përgjithësi nuk ofrojnë asnjë mundësi e as nuk japin shpresë.
“Pse? Shqiptarët ikin sepse qeveria në rradhë të parë, ky parlament së dyti e politika në përgjithësi nuk ofron e nuk jep shpresë! E kemi kthyer shpresën në një rreng që na kthen pas në kohë, të njëjtat emra, të njëjtat premtime, e njëjta fabul! Shqiptarët nuk janë budallenj!”, përfundon Tabaku.
