Drejtori i Kadastres, socialsiti Artan Lame i ka bërë një dedikim të veçantë Saimir Tahirit i cili njoftoi ardhjen në jetë të djalit të tij të dytë. Tahiri e ka quajtur të birin, Goliku dhe për shumëkënd, ky ishte një emer i veccantë dhe i panjohur. Por jo për Artan Lamen. Në një stutus në facebook, ai jep gjithë shpjegimin për emrin e lashtë Golik dhe bën urimin për mikun e tij, Saimir Tahiri. Kujtojmë se pasi nisën akuzat ligjore dhe politike ndaj ish-ministrit shumë socialistë u distancuan prej tij, por ky me sa duket s’është rasti i Lames.
Statusi i plotë në facebook
Goliku është një mal që ngrihet atje përmbi Vjosë tash miliona vjet.
Mes gjërave të mia të historisë, e kam ndeshur shpesh emrin e tij të gdhendur në argjend e bronx nëpër medaliet italiane të Luftës së Fundit (asaj prej vërteti më ‘40-ën, se luftra me njëri-tjetrin bëjmë përditë ne shqipot).
Do ketë kënduar dyfeku vënçe nëpër shpatet e Golikut, qëkur i ka bërë italianët ta përmendin kaq shpesh nëpër kujtesën e tyre të metaltë.
S’ka tri ditë që Sajmiri e zgjodhi atë emër të stërvjetër për ta përcjellë me birin e tij.
Sajme, jetë të gjatë Golikut të vogël që, bashkë me Golikun e madh, do jenë mbi këtë tokë edhe kur ne të mos jemi më!
