Kryetari i PD, Lulzim Basha ka folur për mediat pas takimit që pati me kryesuesen e misionit vëzhguestë ODIHR, ambasadoren Urszula Gacek.
Basha tha se në fokus të bisedës kanë qenë zgjedhjet e 25 prillit, të cilat kryedemokrati i cilëson si masakër elektorale.
Basha shprehet se raporti i OSBE/ ODIHR, konfirmon masakrën zgjedhore.
“Ambasadores i shpreha mirënjohjen për punën e jashtëzakonshme të monitorimit. Ndamë dakordësinë e plotë për raportin e OSBE/ ODIHR. Ky raport fakton masakrën zgjedhore. Po të heqësh fjalën Shqipëri, do ishte raporti Bjellorusi. Raporti konfirmon shkrirjen e shtetin në një me partinë.
Raporti thotë se korniza ligjore që u zhvilluar zgjedhjet nuk është në përputhje me normat demokratike. Raporti flet për lirinë e medias. Gjërat nuk janë bërë për mirë por keq. Kryeministri mori zëdhënësen e partisë dhe e vuri në krye të autoriteti të medias. Ka krijuar një Ministri të propagandës. Raporti flet për blerjen e votave“, u shpreh Basha.
