Berat, Shqipëri. Më 30 janar 2019, Gazsjellësi Trans Adriatik (TAP) dhe Bashkia e Beratit përuruan zyrtarisht kopshtin e fshatit Dushnik dhe shkollën e fshatit Veterrik. Këto projekte, me vlerë të përbashkët prej rreth 440’000 €, janë pjesë e Investimeve Sociale dhe Mjedisore të TAP në Shqipëri.
Të dyja godinat tashmë u ofrojnë nxënësve dhe fëmijëve kushte bashkëkohore. Kopshti i Dushnikut, i cili frekuentohet nga rreth 70 fëmijë, është ndërtuar nga e para. Ai ka mobilim të ri dhe mjedise të jashtme që shërbejnë si park për fëmijët. Për më tepër, kopshti i ri është pajisur me sistem ngrohje qendrore, sistem për mbrojtje ndaj zjarrit, dalje emergjence dhe ka izolim termik. Mbi 180 nxënës dhe fëmijë kopshti shkojnë përditë në këtë shkollë.
Në ceremonitë e përurimit të kopshtit dhe shkollës morën pjesë Kryetari i Bashkisë së Beratit, Petrit Sinaj, Menaxheri i TAP për Shqipërinë, Malfor Nuri, stafet pedagogjike, banorë të këtyre dy fshatrave dhe fëmijët që frekuentojnë këto dy institucioneve.
Në fjalën e tij, Menaxheri i TAP për Shqipërinë, Malfor Nuri, tha: “Ndërtimi i kopshtit të fshatit Dushnik dhe rikonstruksioni i shkollës së fshatit Veterrik janë dy investime shumë të rëndësishme të TAP në Berat. Mbi 250 fëmijë ta kenë më të lehtë të hapin më shumë dyer dhe të kenë një të ardhme më të mirë. Ashtu si edhe për Bibliotekën e Beratit, dua të falënderoj Bashkinë e Beratit që na ka qëndruar pranë në realizimin e këtyre investimeve. Brenda këtij viti do të përurojmë edhe shkollën “Xhemal Çekini” në Uznovë. ”
Ndërsa Kryetari i Bashkisë së Beratit, Petrit Sinaj, tha: “Investimi i bërë nga TAP ka qenë i domosdoshëm për komunitetet e dy fshatrave. Ambientet sportive të shkollës së Veterrikut do të përdoren edhe nga komuniteti. Kopshti i Dushnikut është ndërtuar nga e para dhe i shërben fëmijëve të një prej fshatrave më të mëdha në Berat. Gjej rastin të falënderoj TAP për bashkëpunimin dhe korrektësinë.”
Kontraktori i TAP për projektet sociale, Abkons, menaxhoi punimet ndërsa Leon Konstruksion realizoi punimet. Për realizimin e ndërtimit të kopshtit dhe rikonstruksionit të shkollës u punësuan afërsisht 135 persona.
TAP mbetet i përkushtuar për të përmirësuar cilësinë e jetesës së komuniteteve përgjatë gjurmës së gazsjellësit në Shqipëri në bashkëpunim me qeverisjen qendrore dhe vendore. Përmirësimi i infrastrukturës së institucioneve të edukimit ka një vëmendje të veçantë.
Deri më tani, vetëm për programin e Zhvillimit të Edukimit, TAP ka rikonstruktuar dhe ndërtuar nga e para 10 shkolla dhe kopshte.
Investimet Sociale dhe Mjedisore të TAP në Shqipëri
| Investime Sociale dhe Mjedisore (ISM)
të Përfunduara |
· Rikonstruksioni i mjediseve të shkollës “Andon Profka” në Seman të Fierit (Qershor 2015)
· Rindërtimi i urës me dy-kalime në Çorovodë (Tetor 2016) · Faza e parë e fushatës ndërgjegjësuese mbi sigurinë në rrugë, shtëpi dhe punë (2016) · Raundi i parë i programit të praktikave profesionale për studentët (Dhjetor 2016) · Ndihma humanitare për komunitetin e prekura nga përmbytjet dhe moti i acartë (Shkurt 2017) · Ndërtimi i dy strukturave panoramike në kanionin e Osumit, Çorovodë (Qershor 2017) · Rikonstruksioni i plotë i shkollës “Thanas Ikonomi” në Fier (Qershor 2017) · Dhurimi i uniformave dhe pajisjeve për të përballuar emergjencat me zjarret (Gusht 2017) · Rikonstruksioni i plotë i shkollës “7 Dëshmorët”, në Strumë, Roskovec (Shtator 2017) · Faza e dytë e fushatës ndërgjegjësuese mbi sigurinë në rrugë, shtëpi dhe punë (Tetor 2017) · Raundi i dytë i programit të praktikave profesionale për studentët (Dhjetor 2017) · Ndihma humanitare për komunitetet e prekura nga përmbytjet në Fier dhe Berat (Dhjetor 2017) · Rikonstruksioni dhe pajisja me sistem qendror ngrohje i shkollës “Fuat Babani”, Bilisht (Dhjetor 2017) · Pastrimi i shtratit të luginës së lumit Osum në Berat (Dhjetor 2017) · Dhurimi i Stolave për sheshin Skënderbej në Tiranë (Janar 2018) · Pajisja me kondicionerë e klasave të shkollës “Zylyftar Veleshja” në Çorovodë (Janar 2018) · Dhurimi i 1000 pemëve për Bashkinë e Tiranës (Mars 2018) · Rehabilitimi i Ujësjellësit të Mbrostarit, Fier (Mars 2018) · Mobilimi dhe dhurimi i 400 librave për Bibliotekën e Qytetit të Beratit (Mars 2018) · Aksione pastrimi mjedisore në zonat ku kalon gazsjellësi (Gusht 2018) · Rikonstruksioni i shkollës 9-vjeçare ‘’3 Dëshmorët’’, fshati Pobrat, Ura Vajgurore. (Shtator 2018) · Raundi i tretë i programit të praktikave profesionale për studentët (Tetor 2018) · Ndërtimi nga e para i kopshtit të fshatit Pashalli, Ura Vajgurore. (Dhjetor 2018) · Rikonstruksioni i Muzeut Gjon Mili, Korçë. · Ndërtimi nga e para e shkollës “Lluke Mita”, fshati Konisbalte, Ura Vajgurore. · Rikonstruksioni i shkollës 9-vjeçare në fshatin Veterrik, Berat. · Ndërtimi nga e para i kopshtit në fshatin Dushnik, Berat.
|
FUND
Rreth Gazsjellësit Trans Adriatik (TAP)
TAP-i do të transportojë gaz natyror nga fusha gjigante e Shah Denizit II, në Azerbajxhan, në Evropë. Tubacioni, i gjatë 878 km, do të lidhet me Gazsjellësin Trans Anatolian (TANAP) në kufirin turko-grek, në Kipoi, duke kaluar përmes Greqisë, Shqipërisë dhe detit Adriatik, përpara se të mbërrijë në brigjet e Italisë së Jugut.
Rruga që përshkon TAP-i mund të lehtësojë furnizimin me gaz të disa vendeve të Evropës Juglindore. Dalja në tokë e TAP-it, në Itali, ofron mundësi të shumta për transportimin e mëtejshëm të gazit natyror të Kaspikut në disa nga tregjet më të mëdha evropiane.
TAP-i nxit zhvillimin ekonomik dhe krijimin e vendeve të punës përgjatë gjurmës së tubacionit; ai është një burim i madh i investimeve të huaja direkte. Tashmë që sasia e parë e gazit ka nisur të transportohet drejt Gjeorgjisë dhe Turqisë, sasia e parë e gazit në Evropë do të arrijë në vitin 2020.
Aksionarët e TAP-it janë BP (20%), SOCAR (20%), Snam S.p.A. (20%), Fluxys (19%), Enagás (16%) dhe Axpo (5%).
Kontakt për Median: [email protected]
Më shumë rreth TAP: Twitter | Facebook | Instagram | YouTube
