Aktualitet

Targat/ Vuçiç flet për marrëveshjen: Letrat ngjitëse, sukses i madh i Serbisë














Bëni LIKE faqen zyrtare në Facebook
               Publikuar në : 13:56 - 30/09/21 |
mapo.al

Presidenti i Serbisë, Aleksandar Vuçiç, e ka konsideruar një sukses të madh të palës serbe arritjen e marrëveshjes në Bruksel lidhur me situatën e krijuar në pikëkalimet kufitare Kosovë-Serbi në Jarinjë dhe Bërnjak.






Vuçiç konfirmoi se pala serbe në Bruksel pranoi, siç njoftoi BE-ja, një propozim kompromisi për de-eskalimin e situatës në veri të Kosovës.


“Unë mendoj se kemi arritur një lloj zgjidhjeje kompromisi, me të cilën jam i kënaqur dhe mendoj se është e rëndësishme për palën tonë. Tërheqja e ROSU-së është parashikuar dhe është një tregues se në të ardhmen veprime të tilla të shqiptarëve do të hasin në rezistencë nga popullata serbe. Kthimi i KFOR-it në përputhje me Rezolutën 1244 është i rëndësishëm dhe tregon se është e mundur të sigurohen garanci sigurie për serbët”, u shpreh Vuçiç.







Duke theksuar heqjen e forcave speciale të policisë së Kosovës nga veriu, Vuçiç tha se e cilëson sukses të madh marrëveshjen e arritur sot.




Unë e konsideroj këtë një sukses të madh të palës sonë”, tha Vuçiç.



Në kuadër të pikë 3 të marrëveshjes, palët u morën vesh që një grup pune, i cili do të përbëhet nga përfaqësues të BE-së, Prishtinës dhe Beogradit, do të angazhohet për gjetjen e një zgjidhje të përhershme në një afat 6 mujor.

Lexo edhe :  VOA: Vuçiç/ Duam bisedime të shpeshta dhe të shumta me Prishtinën

“Takimi i parë do të jetë më 21 tetor dhe për gjashtë muaj Grupi i Punës do të paraqesë gjetjet e tij dhe zgjidhjen përfundimtare për nivelin më të lartë të formatit të dialogut. Kjo është ajo që është arritur”, tha Vuçiç.

Sipas tij, pika për vendosjen e letrave ngjitëse në targat e veturave të njëra-tjetrës ishte propozim i Serbisë, ndërsa tha se qytetarët e të dy anëve nuk do të kenë nevojë të paguajnë.

“Ne jemi ata që e propozuam vendosjen e afisheve për ta, ata nuk mund të vendosin targa të përkohshme, por do të vendosin një afishe në stemën serbe dhe kjo nuk ka kosto”, tha Vuçiç.

Ai tha se Serbia do të përballet me një periudhë të vështirë bisedimesh.

“Ne po përballemi me një periudhë të vështirë bisedimesh dhe një luftë të vështirë për Asociacionin. Unë nuk besoj se ata duan ta pranojnë atë”, tha Vuçiç.

1


Etiketa: , , , ,

CLOSE
CLOSE
Pas