Administrata tatimore ka bllokuar 25 subjekte në Kamëz pas një operacioni me inspektime në terren. Aktivitetet që kanë qenë në kundërshtim të plotë me legjislacionin tatimor në fuqi janë bllokuar.
Mes 25 bizneseve janë berberë, servis makinash, kopshte, markete, konfeksione, sallone bukurie. Një aksion i tillë i organizuar dhe i detajuar kryhet për herë të parë pas aksionit të vitit 2015.
Përmes një njoftimi administrata tatimore sqaron se gjithsej janë kryer mbi 60 kontrolle verifikimi, nga të cilët 25 individë, ushtronin aktivitet të paregjistruar në organet tatimore, 12 subjekte, që edhe pse ishin në listën e denoncuar nga Bashkia Kamëz për parregullsi, nga verifikimet rezultoi se ishin të regjistruara me NIPT dhe 2 subjekte që ishin me aktivitet të pezulluar, u riaktivizuan nga Administata Tatimore konform legjislacionit në fuqi.
