Një zjarr ka shpërthyer gjatë një revolte në burgun kolumbian në Tulua, ku mbetën të vdekur të paktën 51 të burgosur.
“Është një ngjarje tragjike dhe katastrofike,” tha gjenerali Tito Castellanos, drejtor i agjencisë së burgjeve INPEC, për Caracol Radio.
“Të burgosurit ndezën disa dyshekë dhe ra zjarr.”
Castellanos më vonë konfirmoi se 51 persona kishin vdekur, 49 prej tyre në burg dhe 2 të tjerë në spital.
“Për fat të keq shumica e të burgosurve vdiqën për shkak të thithjes së tymit,” i tha ai Caracol.
Njëzet e katër persona po trajtohen në spital dhe zjarri u shua nga zjarrfikësit lokalë, shtoi Castellanos.
“Kam dhënë udhëzime për të çuar përpara hetimet që na lejojnë të sqarojmë këtë situatë të tmerrshme,” tha në Twitter presidenti Ivan Duque, i cili ndodhet për një vizitë në Portugali.
