Nëse të gjithë telefonat do të përdornin të njëjti karikues do ishte shumë më e thjeshtë për të gjithë njerëzit në mbarë globin. Që kjo të realizohet duhen politika të mëdha globale. Megjithjëse kjo është tentuar disa here të realizohet, tani me sa duket se do të marrë drejtim.
Së fundmi, Parlamenti Evropian ka aprovuar një projektligj që i detyron kompanitë e celularëve që të përdorin vetëm një lloj karikuesi për produktet e tyre.
Kompanive do t’u kërkohet që të adoptojnë porta USB-C tek të gjitha produktet duke bërë që pajisjet të jenë më të ndërveprueshme dhe konkurrenca mes brand-eve të jetë më e shëndetshme.
Nga votimi që u bë për këtë nismë rezultoi se, eurodeputetët në Komitetin me ndikim të Parlamentit për Tregun e Brendshëm dhe Mbrojtjen e Konsumatorit dolën me 43 vota pro me vetëm dy kundër.
Eurodeputetët i kërkuan Komisionit Evropian që të shikojë drejt një standardi të përbashkët ndërveprueshmërie për karikuesin pa tel, një opsion që po bëhet gjithnjë e më popullor, por është i ndarë në mënyrë të ngjashme midis markave.
Ndërsa një numër kompanish tashmë kanë filluar të përdorin më gjerësisht USB-C, duke përfshirë Sony me PlayStation 5, ndikimi më i madh do të shihet me Apple, e cila ka shpërndarë prej kohësh teknologjinë e saj të karikimit, me përjashtim të MacBook-ve të rinj.
Nëse zbatohen, këto rregulla teknikisht do të zbatohen vetëm për vendet brenda Bashkimit Evropian. Nuk do të ishte çudi nëse e njëjta praktikë zbatohet në kontinentet e tjera.
