Policia e Shtetit i ka kërkuar Prokurorisë së Tiranës të hetojë pasurinë e biznesmenit që dyshohet që ka pastruar para.
Televizioni “Fax news” raporton se ndaj Mond Manol Irfan Bego policia ka kërkuar hetim për pastrim të produkteve të veprës penale parashikuar nga neni 287 i kodit penal.
Nga verifikimet e Policisë së Shtetit në fashikullin që i është dorëzuar prokurorisë se shoqëria” inert ekspres” në pronësi të biznesmenit ka porositur dy vila tek “grea crost”, njërën prej të cilave në emër të subjektit që përfaqëson, më pas e ka shitur tek një person me inicialet H. L .
Bego rezulton i dënuar në Itali për organizatë kriminale me 11 vite burg. Gjithashtu sipas shkresës se prokurorisë thuhet nga policia se Bego, më 24 dhjetor 2009 është arrestuar në kryeqytet i identifikuar me emrat Edmond Bego, Sajmir Sina, Belul Gjahtari, ku sipas policisë ky person ishte i përfshirë në organizatën e Aldo Bares.
