ShowBizz

“Të jam mirënjohëse”/ Bebe Rexha, letër nga Michelle Obama






               Publikuar në : 13:12 - 26/06/19 |
mapo.al

Këngëtarja shqiptare me famë botërore, Bebe Rexha ka marrë së fundmi një letër falenderimi nga ish-zonja e parë e Shteteve të Bashkuara, Michelle Obama, në kuadër të angazhimit të saj në eventin “College Signing Day”.


Michelle i ka shprehur Rexhës mirënjohjen përkundrejt përkushtimit që tregoi për të nxitur dëshirën e të rinjve për të ndjekur studimet e larta. Tejet e emocionuar, këngëtarja shqiptare nuk ka ngurruar ta ndajë letrën me ndjekësit e saj në Instagram.

Letra e Michelle Obama-s, drejtuar Bebe Rexhës:

“E dashur Bebe! Të falenderoj shumë që mbështete Ditën Kombëtare të Regjistrimit në Universitet. Unë dhe ekipi im të jemi mirënjohës për gjithë kohën dhe energjinë, zërin dhe dhembshurinë me të cilët dhe kontributin tënd që të rinjtë tanë të shfrytëzojnë potencialin e tyre. E nisa programin “Reach Higher” gjatë kohës si Zonjë e Parë sepse doja që të rinjtë ta dinë se pavarësisht pengesave, vazhdimi i shkollës së lartë pas shkollës së mesme është e domosdoshme për vijimësinë me sukses.

Dhe meqenëse ke treguar përkushtim dhe entuziazëm të pamasë, këta studentë mund të synojnë pak më lart dhe të kenë ëndrra pak më të mëdha. Të vlerësojmë shumë dhe shpresojmë të vazhdojmë punën bashkë krah më krah për të çuar më tej vizionin dhe vlerat e përbashkëta për një të nesërme më të mirë. Barak dhe unë ju urojmë më të mirën, ty dhe njerëzve të tu të dashur.”

Michelle Obama e nisi programin “Reach Higher” në tetor të 2014-ës me synimin që në vitin 202o Amerika të kishte përsëri numrin më të lartë të studentëve të diplomuar në proporcion.


Etiketa: ,

Pas