Të shtëna me armë zjarri raportohen këtë mbrëmje nga qyteti i Lushnjes.
Një person është vrarë ndërsa tre të tjerë thuhet se janë plagosur.
Viktimë ka mbetur Bledar Muçaj ndërsa emrat e të plagosurve nuk dihen ende.
Ngjarja e rëndë ka ndodhur pas një konflikti çasti, i cili ka agravuar deri në përdorimin e armës së zjarrit.
Në qendër të qytetit janë mbledhur shumë njerëz ndërsa dëgjohem ulërima.
Njoftimi i Policisë
Lushnjë
Sot rreth orës 22:00, në një lokal në pedonalen e qytetit, është qëlluar me armë zjarri dhe për pasojë ka ndërruar jetë shtetasi B. M dhe kanë mbetur të plagosur shtetasit J. V., 32 vjeç, E. T dhe S. L., 24 vjeçe të cilët ndodhen në spital nën kujdesin e mjekëve.
Janë ngritur pika kontrolli në hyrje-dalje të qytetit dhe po vijon krehja e zonës me qëllim kapjen e autorëve.
Vijon puna për zbardhjen e rrethanave dhe dokumentimin e plotë të ngjarjes.