Dy persona kanë mbetur të vdekur këtë mbrëmje në Kodër Rrëshen, si pasojë e të shtënave me armë zjarri nga person/a të paidentifikuar. Sipas burimeve për Mapo.al, dy viktimat janë motër e vëlla, përkatësisht Esmeralda dhe Vladison Filopati.
Policia ndodhet në vendngjarje për të zbardhur rrethanat dhe shkaqet e krimit të dyfishtë, ndërsa janë ngritur pika kontrolli për të bërë të mundur kapjen e autorit.
Mësohet se vrasësi i dyfishtë është ish-bashkëshorti i Esmeraldës, Fatmir Kolecaj, me të cilin ka dy fëmijë, por që ishin të divorcuar prej disa kohësh.
Motiv i ngjarjes mendohet të jetë pikërisht refuzimi i Esmeraldës për t’u rikthyet me ish-bashkëshortin. Viktimat janë dërguar në morgun e spitalit të Rrëshenit.
